Tennis superstar Novak Djokovic-a’n record a chelhlai belhchhah tura a vawi 11-na atan Australian Open a champion a tumna chu a chhunzawm a. American mi seeded number 12 Taylor Fritz lakah inringtawk taka hnehna changin semi-final a lut.
Thawhlehni a Melbourne Park a khawlum tak hnuaia inkhelah Serbian star Djokovic hian 7-6 (7-3) 4-6 6-2 6-3 in hnehna a chang a. Tun tournament-ah hian a hlawhtling a nih chuan vawi 25 a champion na a ni dawn a, Margaret Court-i record vawi 24 a khum ang.
Australian Open a vawi 10 champion tawyh Djokovic hian Melbourne ah hian singles inelna hnuhnung 33 ah hnehna a chang tawh a, tun tournament ah pawh champion leh tura rinkai ber a ni.
Kum 2018 a Australian Open a la tlawm leh lo Djokovic hian khawlum avangin nidanga a khel tluk lo mahse a khingpui kum 26 mi lakah a kheltha a. Fritz hian huaisen takin nawr ve thin mahse danglamna a siam thui thei thin lo.
“A tir set hmasa pahnihah harsa ka ti hle a, set hla turin ka tan a ngai hle.”
“Ka team bulah pawh inkhelh harsatzia ka sawi a, nuam ti takin a inkhelh theih loh. Khua a lum avangin ball vuak hun dik taka vuak fuh a har thin viau.” tiin a sawi bawk.