Bayern in point khatin hmahruaitu Bayer Leverkusen an pha lo

Bundesliga champion lai Bayern Munich in 1-0 in an mikhual Union Berlin an hneh a. Bayer Leverkusen hmahruaina point khatah an tlak thlak tir.

Nilaini zanah December thla a khelh tura tih vur tla nasa avanga sawnhlat hi khelh a ni a. Allianz Arena-ah Pathianni zana tlawm Bayern in hnehna chan ngei an tum.

Mahse beisei angin bul an tan lo. Union keeper Frederik Ronnow chuan an goal khung tur tha takin a dansak a, Union lamin Bayern goal nawr an veng zo thin viau.

Halftime laiin defender Dayot Upamecano a inhliam bawk a, Bayern tan first half duhawm a ni lo. Second half tan veleh erawh Raphaël Guerreiro chuan hun remchang a neih atangin goal a khung a. He goal hi Bavarians in an chakpui.

Bayern coach Thomas Tuchel chuan, “Kan inkhel a thutak hle a, fimkhur takin kan khel. Goal khungna remchang tha tak tak kan nei a, mahse kan hriam tawk lo. Kan result duh erawh kan nei.” tiin a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427