Liverpool in Fulham lakah first leg a an hmahruaina avanga an dinhmun tha chu an hum tluan a, 3-2 aggregate a hnehna changin Carabao Cup final an khel dawn.
Nilaini zana English Football League Cup semi-final second leg ah hian Fulham in an mual Craven Cottage ah an khingpuite lakah goal an chhuah hma a, hei hi sut leh mahse goal an khung belh loh avangin an tling zo lova, 1-1 a an inhnehtawk avangin Reds an tlang.
Liverpool tan forward Luis Diaz chuan minute 11-naah Jarell Quansah ball vawrh luh tha chu la in goal-ah a khung a. Marco Silva pawlte hian goal an chhuah hnuah hlauhawm taka goal nawr an nei fova, second half-ah Issa Diop hmanga goal an khung chu an inkhelin a phu.
Mahse goal an khung belh theih loh an tuar a, Jurgen Klopp-a pawlten first leg a 2-1 a an chak chu an chhawr hle.
“Final-ah chuan Wembley Stadium-ah a sen an tam ang. Zanin ang inkhelah kan duh ang result neih hi a hlu a, heng boruakte hi ngaihthah a enliam mai tur kan ni lo.”
“A tawp lamah tha kan thlah avangin inkhel a inhawn phah ta em a ni.” tiin Klopp-a’n a sawi.