Premier League champion Manchester City chuan Argentina Under-17 midfielder Claudio Echeverri chu River Plate atangin an lalut fel.
City hian kum 18 mi Echeverri man atan hian Pound maktaduai 12.5 vel an seng dawn a, an hnenah kum li leh a chanve contract ziakin kum 2028 nipui thleng a cham ang.
River Plate tana vawi ruk inkhel tawh hian kumin chu Argentine club hnenah hian a hmang zo dawn a, kumtharah City hi a zawm dawn a ni.
Attacking midfielder ball thiam Echeverri hi November a Under-17 World Cup a Argentina captain a ni a. Quarter-final a Brazil 3-0 a an hneh tumin goal thum a khung a. He tournament pumah hian goal nga a khung.