AZL: India ram chhunga state dangte rualin nimin khan Mizoram hmun hrang hrangah Nationaal Voters’ Day 2024 pual hun hman niin, vote thlak pawimawhnate inhrilhhriat niin, vote thlak ngei tura thu intiamna sawi rual a ni.
Nimin chawhma dar 10 khan Mizoram district hrang hranga sorkar pisa, zirna in leh state pawna Mizoram House ah te he ni pual hun hman niin, National Voters’ Day chungchang leh vote thlak pawimawhnate inhrilhhriat a ni a. He ni pual hian thutiam ‘Voter’s Pledge’ sawi rual a ni a. Kumin National Voter’s Day ah hian ‘Nothing Like Voting, I Vote for Sure (Vote thlak tluk a awm lo, Vote thlak ngei ka tum e) tih thupuia neih a ni.
National Voters’ Day pual hian Mizoram Secretariat, MINECO-a sorkar hnathawkte chuan Secretariat Main Building kawtah hun an hmang a, Chief Secretary Dr. Renu Sharma, IAS kaihhruaiin NVD thutiam sawi rual a ni.