Aizawl : India ram Danpui hman tanna ni, Republic Day chu India ram hmundang te rualin Mizoramah pawh hmun hrang hrangah lawm a ni a. Khawzawl District-ah chuan Republic Day lawmna hi Mualvawm Ground, Khaw- zawlah zing dar 9:30 ah neih a ni a. Khawzawl Bawrhsap K. Lalrohlua chuan he hun hi khuallian niin a hmanpui a, hnam puanzar pawtpharhin parade contingent te chibai bukna a chhanglet a ni.
Khawzawl Bawrhsap chuan Khawzawl District leh India ram puma Republic Day hmangtute chibai a buk a, India ramin danpui leh zalenna a neih theihnana beitute inpekna chu mitinte kan hriat thar a tul a ni, a ti.
Khawzawl District chu kum 2019 khan District puitlingah hlan- kai a nih thu pawh sawiin, District in a ken tel hmasawnna ruhrel hmel duhawm tak tak a hmu zel chu ropui a tih thu leh hun lo kal zel turah pawh hmasawnna tam tak hmuh chhoh a beisei thu a sawi.
Leilung pian hnua a vawikhat nan Khawzawl District Administration hnuaiah MLA Inthlan- pui 2023 chu tluang taka neih a nih thu pawh sawiin, Kum 2023 MLA inthlanpuiah khan Tuichang bialah vote za zela 84.49% tlain hei hi kum 2018 inthlanpuia vote tla (80.07%) aiin za zela panga dawn laiin vote tla a tam zawk a, vote tla zat pung hi thil chhinchhiahtlak tak nia a hriat thu khuallian cuhan a sawi a ni.
Khuallian chuan Kh- awzawl Dist-a sawrkar Department te hmalakna hrang hrang te pawh a sawi bawk.
Millionaire Farmer Award dawngtu KB Sangkhuma, Rabung khua chu District Administration hmingin lawmpuina thilpek hlan a ni a. Hei bakah hian Parade Contingent te leh inelna hrang hrang lawmman te Khuallian Bawrhsap chuan a sem nghal bawk a ni.