Liverpool manager Jurgen Klopp chuan season kal mek tawp hunah Anfield a chhuahsan dawn a. Reds in manager thar an zawn a ngai dawn.
Liverpool chuan German pachal Klopp hi October 2015 khan an manager atan an ruai tan a. Kum 2026 thleng contract a la nei.
Kum hnih zet contract la nei bawk mah se a hna chawlhsan a, Liverpool chhuahsan turin thutlukna a siam.Manager thluak tha Klopp hian Liverpool a enkawl chhungin trophy lian paruk a chawipui a. Heng zingah hian Premier League leh Champions League te a tel.
Kum 2019 khan Champions League ah a champion pui a. Kum 30 zet hnua a vawi khat nan Reds Klopp enkawlna hnuaiah Premier League champion an ni leh nawlh bawk.
Season tawp ruala a hna a bansan tur thu hi November thla khan club thuneitute a hrilh tawh niin Klopp chuan a sawi.