Aizawl : Mizoram Journalists Association (MJA), Mamit district chuan nimin khan Annual Conference vawi 16-na an hmang a. Kum 2024-2026 chhunga hruaitu turte an thlang nghal bawk.
MJA Mamit district Annual Conference hi MJA Mamit District Vice President Lalhuma’n kaihruaiin, General Secretary leh Treasurer hnen atanga report ngaihthak anih hnuah President C Lalramdinzela chuan thu sawiin, Mamit district MJA memberte inpekna leh thawhhonaah lawmthu a sawi a. MJA memberte chu Journalist an nih anga ram leh khawtlang siamthat kawnga ngaihtuahna tam zawk hman a tul thu sawiin, sorkar khalh ngiltu an nih anga huaisen taka thudik aupui ngam tur leh mipui ngaihtuahna kawng dika hruai tura theih tawp chhuah turin a fuih.
Khawmpuiah hian Mamit district chhunga sorkar hmalakna hrang hrangte a tam thei ang ber tlawh nise tih te, Mizoram pawn a press tour neih nise tih te an rel bawk.
Kum 2024 – 2026 chhunga MJA Mamit district hruaitu turte:
President : Lalhuma
Vice President : RD Darthanzauva
Treasurer : P Lalchunglura