Mizoram Men’s Under-23 cricket team in hnehna pawimawh an chang a, Col. CK Naidu Trophy khelh mekah run 200 in Sikkim an sawp a, Plate Group semi-final an hnaih.
Multi-day inelna lian a inkhelah hian Mizoram team hi vuak leh vawmah an khingpuite hian an khan lo viau a. Ni li chhung inkhelh theih tura ni thum chhungin hnehna an chang.
Gujarat a Gokulbhai Somabhai Patel Stadium a inkhelah hian Sikkim in vawm an thlang a. Tualchhung player hlang a khel Mizoram in run 170 siamin Sikkim lamin an first innings-ah run 116 an siam a. Mizoram hian second innings-ah run 261 siamin Sikkim tan chak turin run 316 siam a ngai.
Second innings-ah Sikkim lakah Mizoram bowler te che tha lehin run 115 chiah an khingpuite siamtirin hnehna chang turin an vawm out zo.
Mizoram hian Plate Group a an match hnuhnung berah point la hmu lo Manipur an hneh chuan semi-final khel turin an tling chiang tawh ang.
- Tute nge che tha?
Mizoram tan first innings-ah Johan Lalbiakkima chuan run 63 a siam a, Sahil Reza leh Sahil Sharma ten 23 leh 21 thawhin an tangkai. A vawm lamah Mizoram bowler Sahil Sharma chuan wicket nga la in K. Vanrotlinga’n wicket thum a la.
Mizoram 2nd innings-ah Mizoram tan captain B.Lalnunfela chuan run 67 a siam a, Sahil Sharma in 53 a thawh.
Mizoram in chak tuma an vawm ve tumin Sikkim second innings-ah Mizoram tan Naveen Gurung chuan wicket nga a la a, Rinsangzela’n wicket thum la in Mizoram tana che thate hi tualchhung cricket a player langsar leh che thate vek an ni.