Congress President Milikharjun Kharge chuan Lok Sabha inthlanpui lo awm turah an tlina rorelna fawng an chelh theih chuan Andhra Pradesh chu special category status pek an ni dawn tih a sawi.
Kharge chuan Andhra Pradesh-a an party hlawhchhamna chu na taka nawra hlawhtlinna chan ngei an tum tih a sawi tel bawk.
Kharge-a chuan retheihna lakah ‘surgical strike’ (beihpui) an thlak dawn tih a sawi nawn leh a, NYAY hmangin minimum income scheme an kalpui ang a, hei hi ‘non-violent weapon’ a nih thu leh retheite an chawikang dawn tih a sawi.
Andhra Pradesh-a Lok Sabha leh assembly inthlan lo awm tura vantlang inkhawm a nei hmasak berah Congress president hian, “Congress kaihhruai UPA-in retheihna umbona tur scheme a duang a, Prime Minister Narendra Modi-an engkim a tichhia a ni,” a ti.