Aizawl : Nimin khan Khawzawl Bawrhsap pisaah Khawzawl District Narco Coordination Center (Ncord) chu Khawzawl Bawrhsap K. Lalrohlua kaihhruaiin an thukhawm.
Nimin thutkhawmah hian Khawzawl Superintendent of Police (SP) Lalchhuanthanga chuan report a pe a, Khawzawl District NCORD hi kum 2023 khan thla 12 chhungin tum 11 thutkhawm neih a ni tih a tarlang a, Mizoram Inthlanpui avangin tum khat neih theih a ni lo thung. NCORD thutkhawm vawi 11 zinga 8 chu portal-ah upload a nih thu leh tum 3 dang upload loh hi portal chian loh vang a ni tih tarlan a ni.
Thutkhawm hian February ni 15, 2024 hmain Tlangmawi khuaah CodNerc ten Ruihhlo chungchang inzirtirna ‘Awareness Campaign’ neih ni se tiin an rel a. Sikul naupang exam a hnaih chhoh avangin March thlaah hi chuan Awareness Campaign hi Kohhran Naupang Chawhnu inkhawmah neih ni se tiin rel a ni bawk.
Nimin thutkhawmah hian Khawzawl SP leh DC te bakah District Education Officer (DEO), Health Department aiawh, tlawmngai pawl aiawh leh CodNerc aiawh te an tel a ni.