South Korea in AFC Asian Cup khelh mekah quarter-final a an hmun an tichiang a, penalty shootout-ah Saudi Arabia lakah hnehna an chang.
Doha a Education City Stadium a Nilaini zana inkhelah South Korea hi tlak hmabak in an ding hman a, Saudi half-time substitute Abdullah Radif chuan a luh veleh goal khung nghalin hei hi an sut thei mai lo.
Mahse huntawp dawn hun pekbelh minute 9 a kal tawh tihin Cho Gue-sung chuan a sut a. Penalty hmanga chak zawk zawnnaah Saudi player ten vawi hnih an khung loh hnuah Wolverhampton Wanderers forward Hwang Hee-chan chuan chakna penalty a khung.
Kum 64 chhunga a vawikhatna atana champion leh tum Jurgen Klinsmann-a team hian quarter-final ah naktuk hian Australia an hmachhawn leh ang.