Morocco star player Achraf Hakimi chuan huntawp dawn tawhah a ram chhandam theihna hun nei mahse a hloh a. Penalty a pet goal loh avangin round of 16 atangin an tla.
Thawhlehni zanah 2023 Africa Cup of Nations a champion tura mi tam takin an rin ber Morocco an chesual a. Player 10 a inkhel tawp thleng khel South Africa lakah 2-0 in an tlawm.
Stade Laurent Pokou a inkhelah hian Morocco in hliam vangin forward pawimawh Hakim Ziyech leh Sofiane Boufal te an chhawr thei lova, mahse Amine Adli leh Selim Amallah te an che tha tho.
Inkhela team hlauhawm zawk an ni chungin goal hmaah an hriam lo.
Minute 57-naah Evidence Makgopa chuan South Africa tan goal a khung a, video assistant referee hmanga endik rei viau nimahsela goal-ah pawm a ni.
Minute 85-naah Mothobi Mvala handball avangin Morocco in penalty an hmu a, Hakimi chuan a khung loh hnuah Manchester United midfielder Sofyan Amrabat hnawhchhuah a ni a. Freekick atang Teboho Mokoena chuan an goal hnihna mawi takin a khung bawk.
Kum 1996 champion South Africa in kum 2019 hnua an thlen san ber tum nihtir tumin Cape Verde an tum leh ang.