A hmangtute’n tawngkam mawi lo leh bawlhhlawh (explicit content) an block chung pawhin Spotify-a Olivia Rodrigo, Eminem leh zaithiam dangte hla-ah hmuh tur a awm chhunzawm reng tho.
Streaming serivice hian original hlathu a dah lang kua leh fo thin a, chi leh vunrawng hmuhsitna te, anchhe lawhna tawngkam te chu ‘radio friendly’ thianghlim version chhuah a ni chung pawh a lo lang leh nulh thin a ni.
Zaithiam lar- Dua Lipa, The Weeknd, Drake lehLil Nax X te hla thahnem takah a langsar em em thin a, heti ang lam thumal hriat chak loh leh ngaihthlak duh loh vanga setting-a block chung pawhin a rawn inlar leh fova, Spotify lam erawh an la ngawi tluan.
Hetih lai hian, heti ang thil hi a thleng fo mai tih erawh an hre chiang a, chin fel vat a ngai tih te pawh na hria niin, BBC-in a tarlang.
Spotify hian 2018 atang khan nu leh pa tam takin pressure an pek hnu-ah explict contect buaipui tur system an kalpui tan a, heng hla te hi ‘E’ tia chhinchiah an ni hlawm.
Mi tu te pawhin tawngkam mawi lo, hla thu bawlhhlawlh ngaihthlak an duh loh chuan setting-ah an block thei a, heng aiah clean version te thlengin chhawpchhuahsak an ni thin.