Aizawl : Zoram Infrastructure and Industrial Development Corporation Limited (ZIDCO) Chairman thar JK Dawngzuala chuan sorkar leina siam belhtu ni lovin, sorkar leiba ruih puitu ni turin rim takin hna an thawk dawn tih a sawi.
ZIDCO Chairman thar JK Dawngzuala hian nimin khan a pisa thar luah lut tharin, Pathian hnena hlanna inkhawm neihah thu a sawi a, “Thuawih hi malsawmna a ni a, thawhrimna hi hlawhtlinna a ni. ZIDCO hian hmabak kan ngah hle mai a, kan ram sum leh pai dinhmun siam tha tur leh he Corporation chawikang tur hian theihtawp kan chhuah dawn a ni,” a ti.
“Pathian leh mipui zarah ZPM in sorkarna kan lo siam ta a, kan lo aupui fo thin Kalphung thar, mipui sorkar din turin kan hotuten hma an la char char a, kan hotute hi kan rin ngam a ngai a, kan tawngtaipuinaah pawh kan hriatreng a pawimawh dawn a ni,” tiin, ZPM policy tam zawk chu ZIDCO hmang hian a tihhlawhtlin theih tih hria a, theihtawp an chhuah tur thu a sawi.