Dire Straits zaipu hlui Mark Knopfler-a guitar leh amps lilam a ni a, pound maktduai 8 chuang man an hralh.
Knopfler hian guitar 120 aia tam hret leh amps te lilam turin a nawr liam a, heta sum hmuhchhuah 25% hi charity-ah chhun luh a ni ang.
Guitar lilam zingah 1959 Vintage Gibson Les Paul Standarh langsar ber niin, pound 693,000 in an hralh a, he model bikah record thar a siam nghal.
‘Sultan of Swings’ hla leh hla thahnem tak hmanga rimawi khawvela hriatlar tak hian lilam runpui chu a hringnuna zinkawng chhinchhiahtlak tak a nih thu uar takin a sawi.
“Ka hmanrua neih ang angte’n neitu thar leh kuahtu duhawm tak tak an nei fur mai tur hian min tilawm a, heng hmanrua kaltlang hian player thar te an lo chhuak ang a, hla thar te pawh siam a ni ngei ang.
Chuti ang bawkin charity tana sum thahnem tak kan thawkchuak thei bawk a, a lawmawm hle a ni,” a ti.
Knofpler hi hlaphuah thiam a nih mai bakah guitar thiam tak a ni tel a, a hlaphuah leh sak reng rengah hian mibik a nihna a lang chiang hle.
Mizo te pawhin kan hriat lar leh a hla kan sakpui theih thahnem tak vawrhchhuaktu kha a ni a, kum lamah upa tawh mah se, a theihna a la ngai reng mai.