Aizawl: Mizoram Journalist Association (MJA) Champhai District chuan nimin khan Champhai Press Club-ah Annual Conference an hmang a. He hun hi Er. Ginzalala, Adviser to Chief Minister (Technical) in uaptu niin a hmanpui.
Thusawiin Er Ginzalala chuan, mipui chan ai eiru lo tura a intiamna chu a inchhuanna awm chhun a nih thu a sawi a. Champhai district hmasawnna atan Champhai MJA te nen thawhhona tha zawk neih a duh thu pawh sawiin, thuthar thehdarhtute chu ram rawng a bawlna kawngah thawhpui a, finchhuah leh thurawn pe turin a sawm nghal.
Champhai North bialtu MLA Er Ginzalala chuan hmasawnna hna thawh kawngah ram changkang zawk te pawhin an tih in dan angin, ngaihpawimawh hmasak neih a tul thu sawiin, “Mi mal tinte hnenah hamthatna pek vek theih a ni lo tih hre rengin vantlang intawm theih hmasawnna tam zawk thlen thei tur ruahmanna siam a tul a ni,” a ti.
Champhai District MJA Annual Conference-ah hian kum 2024-26 chhunga District MJA hruaitu tur thlanna neih a ni a. District I&PR Department staff ten inthlan hi an buatsaih sak a ni.
Champhai District MJA hruaitu thlan chhuah thar te chu:
President: Lalhlupuia
Vice President: C. Lalhnunpuia
Treasurer: C. Lalrinsanga
Executive Member:
- Lalhmingliana
- R. Lalfakawma
- Chanchinmawia Varte
- Jacob Lalnunhlima
- ZD Dengliana