Lunglei N-a sorkar hnathawh en theihna tur ‘MSTA’ app tlangzarh

Aizawl: Lunglei North bialtu MLA V Malsawmtluanga’n a bial chhunga sorkar hnathawh hrang hrangte a duh apiang tana en zung zung theih nana a buatsaih, mobile application ‘MSTA’ tih chu tlangzarh a ni.

Thawhtanni zan khan he mobile application hi Vanlalsailova’n a tlangzarh a. Mobile Application hi Lailen Consultancy-in an siam a ni a. Lunglei North huam chhunga sorkarin hmun hma a neih te, hna chi hrang hrang project a thawh te, MLA chet velna leh MLA in mipui hnena thuchah a neih te dah vek theihna a ni a. Thurawn leh mahni ngaihdan te, sawisel ngai neihte mahnia theh luh mai theih nan a ruahman a ni. Playstore atanga download a, hman nghal mai theih a ni.

HPC Vice Chairman V Malsawmtluanga chuan a bial chhung tana a puala mobile application tlangzarh theih a ni ta chu lawmawm a tih thu a sawi a, he a application hi a bial mipuite harsatna sutkian awlsam zawk nan leh mipuite nen an inpawh tlan zawk theih nan a buatsaih a nih thu a sawi a. Tumah inthlahrung loa mipuite chu hmang tangkai theuh turin a sawm.

Leave a Reply

error: Content is protected !!