Aizawl: BJP Mizoram chuan nimin khan thuchhuah siamin, tun hnaia central sorkar scheme hrang hrang hming chawia inbumna nasa tak a awm avangin mipuite fimkhur turin an ngen.
An thuchhuah BJP Mizoram chuan, mi thenkhatin website lem hmangin PM Modi scheme kaltlanga a thlawna pawisa dawn theihna te bakah laptop, phone leh thalaite bum theihna tur hmangin mi bum duh pawl an awm a; he’ng bakah PM scheme website ni awm taka siam a awm nualin website rintlak, central sorkar website; gov.in awmlohna chu ring miahloh turin mipui an ngen.
India Post tih leh Central sorkar hming chawia fraud website tam tak a awm tih tar langin BJP Mizoram chuan, “Hengah te hian a thlawna pawisa dawn theihna ni awm takin mipui an bum thin a, pawisa dawng lovin mipuite chuan an chan phah thin zawk a ni. Hengte a nih avang hian inbumna hmanga central sorkar hminghliau zawnga khawsa duh pawl an awm hi pawi kan ti takzet,” tiin, heng inbumna laka fimkhur turin an ngen bawk.