Health Minister in Biometric attendance khawl hawng

Aizawl: Aizawl-a biometric attendance hman tan theih turin a hawng.

Civil Hospital, Aizawl-ah hian hnathawktute lut chhuak khawl hmanga chhinchhiahna, biometric attandance chu thla khat vel enchhin a nih hnuah, mumal zawka hman tan theih turin H&FW Minister Lalrinpuii’n a hawng a ni.

Biometric attandance a hawn rual hian Health Minister hian, Civil Hospital, Aizawl tihchangtlunna tur atana khawl pawimawh hrang hrang – Medical Record Digitalization, CCTV, Hospital Pharmacy, Jan Aushadhi, Hospital Website, Online OPD Registration & UPI Payment, SMS Lab. Report, OPD Ticket Counter leh HIV Viral Load Machine te a tlangzarh nghal.

Tlangzarh inkhawmah Health Minister Lalrinpuii chuan natna enkawlna kawnga hmasawnna pawimawh tak tur tlangzarh theiha a awm chu lawmawm a tih thu sawiin, tangkai taka hman a beisei thu a sawi a. Thawktute chu mipui rawngbawltu an nih hre reng chunga theihtawp chhuah a hna thawk zui zel turin a a chahin, “Mipui min mamawh tute avanga he department a awm hi kan ni a, min dawrtute hi kan tana mi pawimawh te an ni a; chuvanginm tute pawh i ngai pawimawh ang u,” a ti.

Leave a Reply

error: Content is protected !!