Lawngtlai District Task Force on Malaria Elimination leh District Level Task Fo- rce on Immunization chu nimin khan Law- ngtlai Bawrhsap Chee- mala Siva Gopal Reddy hovin an thukhawm a. Bawrhsap chuan Law- ngtlai district-a Malaria vei tam lutuk tih tlem a nih theih nan sawrkar, khawtlang leh tlawmngai pawl hruaitute thawhho a pawimawi thu a sawi.
Bawrhsap chuan Ma- laria darh zel tur veng tura ruahmanna awm te chu a hlawhtlin ngei theih nan tihtakzeta hma la turin kalkhaw- mte a chah a. National Immunization Day pua- la zenghri pek beihpui thlakna kalpui turah pawh School Education, Social Welfare leh tlawmngai pawl te tanrual a tul tur thu a sawi.
District Consultant, Vector Borne Disease Control Programme C. Khaipotha-a’n a sawi danin, National Framework for Malaria Elimination chuan mi 1000 zelah mi 2 aia tlem, Annual Parasite Incident (API) an awm tur a ni a. Lawngtlai district-ah kum 2023 chhung khan API hi 54.12 a nih mek thu leh Category III-ah an awm thu leh Malaria avanga nunna chan mi 6 an awm thu a sawi.
Kum 2023 chhung khan mi 47811 endik niin, heng zinga mi 7915-te chuan Malaria an vei tih hmuhchhuah a ni a. Khawtinah tho- silen damdawia chiah (Long Lasting Insecticidal Net) semchhuah tum a nih thu leh chumi atan chuan thosilen 10- 5537 ruahman a nih thu a sawi a. Khaw hrang hrangah Malaria laka inven dan zirtirna kal- pui tum a nih bakah khaw 143-ah thosi hlo kah tum a nih thu sawiin, hemi atan hian Deltamethrin hman tur a nih thu a sawi bawk.
Rapid Response Te- am, WHO Dr. Lalvenhimi Khiangte-in Law- ngtlai district-a natna hrang hrang venna tura vaccine pek dan te saw- iin, March ni 5 atanga ni 7 chhung National Immunization Day kal- pui turah naupang kum 5 chin 13167 hnenah zenghri danna pek tum a nih thu a sawi a. Hei hi Polio Vaccination Booth 203, Transit Booth 3 leh House to House visit kaltlang a pek tur a nih thu sawiin, heng bakah hian raltlan naupang 740 tuam tel tur a nih thu a sawi bawk a ni.