MSSC-in RG Stadium-a turf phah thar hriatpui lo

AZL: Mizoram State Sports Council (MSSC)-in Rajiv Gandhi Stadium-a artificial turf phah thara sum sen zat an hriatpui loh thu Sports Minister Lalnghinglova Hmar-in house a hrilh.

Nimina Mizoram Assembly budget session neiha Lawngtlai West bialtu MLA C Ngunlianchunga zawhna kal zelah zawhbelhna a chhannaah Sports Minister Lalnghinglova Hmar chuan, nikuma Rajiv Gandhi Stadium-a artificial turf phah thar chu MSSC kaltlanga phah a nih loh thu a sawi a. Artificial turf phahna tur atana sum sanction zat te, hnathawktu tur thlanna tender pawh open tender leh restricted tender-a kalpui hriat a nih loh a sawi.

Sports Minister hian sorkar ang chuan artificial turf phah hna thawh tan hun leh official-in contractor hriat a nih loh thu te, administrative approval emaw, tender emaw, expenditure sanction emaw, a awm loh thu a sawi bawk.

Leave a Reply

error: Content is protected !!