Sakei vs Sikserh

  • Dr. C. Lalrampana

A KAMKÊUNA

Kum maktaduai khat kalta khan sakei hi leiah hian an awm tawh mai theia ngaih a ni, South Asia-a sakei ruh hmuh hmasak ber chu kum maktaduai 2 vel zeta upa a ni. Sakei fossil hmasa ber chu China, Java leh Sumatra-ahte hmuh a ni tawh a ni. Sakei chi upa ber chu Panthera zdanskyi chi hi a ni a, “Longdan tiger” hi zawhte lian chi thar ngaihnawm tak a ni a, tun hnaiah chauh scientist team pakhatin an sawi chhuak a ni. Kum maktaduai 2 chuang zet a upa tawh a ni a, sakeibaknei hmuh tawh zinga upa ber a ni a, a hmaa sakeibaknei hmuh tawhte chu kum sang za tam liam tawhah khan a ni.

Khawvel pum huapa sakeibaknei awmna hi ram 13 – India, Bangladesh, Bhutan, Nepal, Myanmar, Cambodia, China, Indonesia, Lao People’s Democratic Republic, Malaysia, Russia, Thailand, leh Vietnam-ah chauh a awm a ni. Chung zinga ramngaw 8-ah chauh sakeibaknei chi thlahtu hmuh theihte a ni. Sakei hi Mizote chuan sahrangah kan ngai. Sakei hi bak nei leh nei lo a awm a, Mizoramah chuan bak nei lo hi kan neih chhun a ni. Tunhma chuan kan ranvulh sehtu ber leh mihring sehhlumtu ber an nih avangin pipute chuan a tihhlum nan sakei Kar siamin thang an kam a, an that thin. Tun laiah erawh sakei hi a vang tawh hle a, July 3, 1978 a sakei chekhlumtu Pi Zadingi kum 63 W/o PC. Lalthanmawia khan huaisen takin amah sehhlum tum sakei chu ama hreipui ngeiin a chek hlum a. Hei vang hian chawimawina tangka pui Shourya chakra a dawng a, India President hnen atangin kum 1980 khan dawngin thla tin he tangkapuiin a ken tel pawisa hi a dawng thin a, a tirah chuan Rs.40/- a la thin a. Tunah erawh Rs.1500/-ni tawhin 3000/-ah a pung leh dawn a ni

Tunah phei chuan Environment & Forest Department lam pawhin humhalh tur chuang an nei ta meuh lo. Hei vang hian sakei sehhlum hi mihring tan chuan a hlauhawm ta meuh loh a ni. Nilengin ramhnuaiah kalin sakei insehhlumtir tumin vak chiam mah ila, insehhlumtir tur kan hmu zo tawh lovang?

TU SEH NGE HLAUHAWM?

Vedic hunlai BC 1500-800 BC laia India thuziakte chuan malaria hi “natna lal” tiin an sawi a. BC 270 khan Chinese medical canon Nei Chin tia hriat chuan tertian (ni thum danah) leh quartan (ni li danah) khawsik chu la (spleen) lian zel nen a thlunzawm a malaria-a hmuhchhuah tlanglawn tak, malaria lu natna chu a mawhpuh a, Malaria thlentu parasite zinga mi Plasmodium falciparum hi Africa atanga mi sal tang, kum 1500–1800 inkar chhunga khawvel thara hruai luhte hian an rawn la lut niin an ngai. Continental United States hmun hrang hrangah kum 1882 khan malaria vei an tam hle nia rin a ni. Kum 1949 khan mipui hriselna lama harsatna lian tak a nih avangin malaria laka fihlim tura puan a ni. Kum 1951 a lo thlen meuh chuan CDC chuan programme kalpui dan tur (operational phases)-a active participation atangin a inhnukdawk zauh zauh a, a ngaihvenna chu surveillance lamah a sawn a, kum 1952 khan CDC-in operational-a a telna chu a tawp ta vek a ni. Kum 1950 thleng khan hri kai 2,000 chauh an awm tawh a ni. Kum 1951 thleng khan United States atanga malaria tihbo tawh anga ngaih a ni ta a ni. Tunah hian U.S. hian hri leng lian tak awm theihna tur dinhmun a nei lo niin Sinnis chuan a sawifiah. He ram hian sub-Saharan Africa-a malaria natna vei tirtu rulhut chi khat-Anopheles gambiae chu a nei lo. Kum 1955 khan Global Malaria Eradication Programme (GMEP) hmasa ber an kalpui tan a. He tihbo tumna hi kum 1969-a World Health Assembly resolution-ah nemngheh leh a ni a, a hnuah kum 2015 khan Assembly-in Global technical strategy for malaria 2016-2030 (GTS) a pawmpui hmangin tihchak leh a ni.

India rama Sikserh hmuhchhuah hun

August 20, 1897 khan Secunderabad-ah Ross-a chuan a thil hmuhchhuah ropui tak chu a puang a. Ni li kalta a malaria vei pakhat eitir anopheline mosquito pum tissue a dissect laiin malaria parasite hi a hmuchhuak a, mihringah malaria parasite kai theihna tura Anopheles mosquito–te chanvo chu a finfiah zui ta a ni. India ramah chuan malaria hri leng hi a buaithlak hle a, a chhan chu geo-ecological diversity, multi-ethnicity, leh Plasmodial species pathum: P. falciparum, P. vivax, leh P. malariae te kai thei anopheline vector 9-te insem darh zau tak a ni.

India rama Malaria Control Programme

Kum 1953 khan endemic area-a malaria dona atan National Malaria Control Program (NMCP) kalpui a ni a, NMCP hlawhtlinna ropui tak a hmuh avangin kum 1958 khan countywide National Malaria Eradication Program (NMEP)-ah he programme hi siam danglam a ni. Malaria a tam avang hian Mediterranean tuipui chhehvel ram dangah pawh thosilen hi an la hmang reng a ni. Mosquito netting hian hun rei tak a lo awh tawh a. He thumal hman hi kum zabi 18-na laihawl vel a?anga ?an ni mah se, hun laihawl hun tawp lam a?anga India literature-ah chuan Hindu biakna ritual-a mosquito net hman chungchang sawina a awm a ni. US-ah chuan malaria um bo a nih tawh avangin thosilen hman a ni ve tawh lo. Mizoramah chuan damdawi chiah thosilen nuai 414,197 semchhuah tur nimin 24, 2024 khan MINECO-atangin Health Minister-in a vai liam a ni.

INVEN DAN TUR

Sikserh laka inveng turin mitinte’n tih theih kan nei. Thosilen damdawia chiah thianghlimsa hman te; tuichhe tlin theihna paih bo te, tuiluankawr tihfai that te, tuichhuan so leh tui thianghlim chauh in thin te, ei tur thianghlim thlan thiam te. Damdawi inchulh chi leh electric hmang leh meia hal rim nei hman chite leh invenna hmanrua chi tam tak a awm. Hengte hi kan zawm chuan sikserh lakah kan fihlim theì a ni.

A TLÃNGKAWMNA

Mizoram hi India rama ram ralmuang ber, state hlim ber, smart city-ah leh faina lamah pawh kan lansarh hle laiin natna khirh khan cancer, HIV/AIDS , TB vei tam lamah leh damdawi hlauhawm, ralthuam hlauhawm tawlhruk lamah erawh kan hming a chhe hle. Chutih laiin sirkserh vei tamna ber kan han nileh zel mai hi a lungchhiatthlak hle mai. Kum 6 kal ta 2018-2023 chhung khan sikserh vei mi 17988 lai kan nei a, heta tang hian mi 46 laiin nunna an chan tawh a ni. Heti taka sikserhin kan nunna a la suat thei hi thil pawi tak leh mak tak chu a ni. Kum 6 kal ta chhung khian sakei chuan tumah a sehhlum lova, sikserh pai thosi (Anopheles) chuan mi 46 zet a seh hlum hman der tawh thung. Chuvangin, tunah chuan sakei aiin sikserh a hlauhawm zawk daih tih a chiang hle. Kei ngei pawhin sirkserh P.V hi kum 3½ zet ka lo vei ve tawh avangin hun a duh reizia leh mihring taksa a eichhiat nasatzia hre chiangtu ka ni a, chuvangin, mitinte fimkhur ila, khawikipa kan kal chhuahna apiangah kan fimkhura theihtawpa inven hi kan mawhphurhna a ni tih I hre theuh ang u.

Leave a Reply

error: Content is protected !!