Serchhip-in Mizoram khawpui fai inelna nikuma neiha lawmman pakhatna an lak an lawm

Mizoram Cleanliness Competition 2023 Category II District Headquarters-a pakhatna Serchhip-in nimin khan Bawr- hsap David Lalthan- tluanga hovin Fai inelnaa an lawmman lak an awm.

Serchhip Bawrhs- ap chuan fai inelnaah Serchhip town pakha- tna an ni chu lawma- wm a tih takzet thu sawiin, tehfung hrang hrang zingah khawpui chhung leh a vel faina bik chu he inelna teh- fung lian ber a nih thu a sawi a. Khawpui chhunga inthiarna hmun hrang hrang te endik niin, bawlhhlawh thliar hran te, bawlhhlawh paih dan te, zirna in hrang hr -anga faina leh thiang- hlimna kalpui dan te leh khawpui cheim -awite thlengin he inelna hian a ngai pawimawh tih a sawi.

Inelna hautak nia sawiin, Bawrhsap ch- uan Serchhip town in pakhatna lawmman a dawng thei chu chhu- anawm a tih thu a sa- wi a. Serchhip UD& PA Dept te, VC leh NGO zawng zawngte leh faina kawnga nasa taka hmalatute chungah lawmthu a sawi.

Serchhip Bawrhs- ap chuan “Serchhip khawpui hian faina leh tehfung hrang hra- ngah nasa takin hma kan sawn a, chutih- rual chuan tanlakna tur leh hmachhawp tam tak kan la nei a, tha thlah lova tan kan lak chhunzawm zel a ngai a ni”, a ti.

Bawlhhlawh tawih thei leh tawih theilo thliar hran chungch- ang pawh sawiin Ba- wrhsap chuan Serchhipah kalpui ve thuai a ngai dawn tih a sawi a. Central sorkarin a ngaihpawimawh em em Solid Waste Management Centre pawh neih a tul dawn tih sawiin, Serchhip-a UD&PA hmalak zel na turah mipui leh sorkar tanrual a ngai hle dawn tih a sawi.

Khawpui chhung bikah tuihawk luan- kawr leh a khuhna mumal zawka siam te thil pawimawh tak a nih thu sawiin, ngaihpawimawh hmasaka neih turin khawtlang hruaitute chu chahin, an sum hnar hrang hrang atangtea siam dan kawng dap zel tur in a ngen a. Kawngsir leh kawng dunga baw- lhhlawh chhekkhawl- na hmun te pawh kal san hret hreta, a nei lo awmchhun khawpui fai tak nih tum turin Bawrhsap chuan Serchhip veng hrang hra- nga khawtlang hruaitute leh mipuite chu a sawm bawk.

Mizoram Cleanliness Competition hi Category thumah then a ni a. Aizawl leh Lu- nglei Municipal Cou- ncil chhunga Ward hrang hrang te chu Category I-ah dah an ni a. Category II-ah District Headquarters pakuate inelin, Serchhip chuan pakhatna lawmman a dawng a; pahnihna Khawzawl niin, Siaha-in pathum- na a dawng a ni.

Cleanliness Competition hi ram pum huapa faina inelna Swachh Survekshan 2024 kal- lai meka inpuahchahna atana ruahman a nih thu sawrkar thu chhuah chuan a tarlang.

Leave a Reply

error: Content is protected !!