MNF official candidate te bak chuh tum awm lo

MNF General Headquarters hruaitu thlanna neih tura official candidate te lo chu he inthlana chuh tum dang an awm lo.

MNF party hruaitu thlanna chuh tumte tan nimin tlai thleng hming pek luh theih a ni. Chuh tumte tana hming pek luh theih hun hawn chhungah Nomination Committee-in official candidate tura a chhawpchhuahte chauhin hming an pe lut a ni.

February 26, 2024 khan Official Candidate te han he inthlan buaipui tura ruat chhuah, Returning Officer Dr Ramdinthara hmaah nomination an file a. Chungte chu – President atan Zoramthanga, Sr. Vice President atan Dr. R. Lalthangliana, Vice President atan Lalchhandama Ralte leh Vanlalzawma, Treasurer atan Lalruatkima te an ni.

Nomination file te hi vawiin hian scrutiny neih a ni dawn a. Scrutiny paltlangte tan March 2, 2024 ral hma thleng inhnukdawk dun tan hun hawn a la ni. Heta inhnukdawk an awm lo a nih chuan official candidate te hi tlinga puan an ni ang.

Leave a Reply

error: Content is protected !!