‘Young’ tulh tulh ila!

  • Vun enkawl uluk

Kum a lo upat hian vun inrin, chuar leh vuai hi a lo lang nghal thin. Upat hnu hian taksa inulukna peih lohna avangin vun a ro a, a thap hruih bawk a, chu chuan he harsatna hi a siam mai thin. I tar tan mek tih hriattheihna awlsam ber chu i mit bula thil inrin lo awm tan kha a ni.

Hetah hian ‘scrubbing, toning leh moisturizing’ hi tih ngei ngei a ngai dawn a, sunscreen hman ‘regu’ a pawimawh ang. A nasa viau anih chuan, ‘botox’ tih a ngaih hmel a, olive oil hi tangkai tak a tling.

  • Rihna hriatchian leh insawizawi

Nikhata minute 30 tal chu taksa sawizawinan hman a tha. Aerobics, ke-a kal, chet vel tam adt.. Kum 30 ral kai tawh tan phei chuan exer lak that a pawimawh tulh tulh dawn a, enkawltu tha tak hnuaia rit chawi te pawh a tul tawh ang.

Exer tihah hian, i hlimpui ber kha a tha a, hmai vun pawh hi exer lak pui ngei ngei bawk tur.

  • Ei leh in

Sa leh sa atanga siam aiin, thlairah leh thlaihnah ei uar sauh tawh tur a ni a. Be lam chi te pawh lakluh tam tawh tur a ni bawk. Spinach, tomato leh grapes te hi a va’n tha tak em! Hei hian, zunthlum leh lung natna te a veng hneh hle a, tui thinghlim in tam bawk tur.

  • Calcium pawimawhna

Kum 50 ral kai tawh hmei-chhia te hian ruh mawih leh chak lohna hi an nei duh hle a, calcium leh vitamin D ei that erawh chuan a zia phah viau. Calcium awm tamna te: Bawnghnute, Soymilk leh Serthlum tui. Thil dang mamawh i neih chuan doctor rawn vat a tha.

  • Tui taka mut

Taksa inrelbawlna felfai tur chuan, muttui hi a ban pawimawh lian ber a ni. Thenkhat tan darkar 5-6 vel a tâwk viau laiin, darkar 9-10 vel mamawh te pawh an awm bawk. A tlangpuia chhutin, darkar 7-8 tal hi chu mutnan hman ngei ngei theih nise tih a ni.

Leave a Reply

error: Content is protected !!