Aizawl : Govt. T. Romana College leh MYC tangdunin nimin khan North-East Cultural Festival & Pre-Chapchar Kut chu Govt T Romana College ground-ah an buatsaih a. MYC Chairman Malsawmzuala Ralte-in a hmanpui.
Festival-ah hian St. Anthony’s College, Shillong leh Janata College, Assam atanga zirlai leh zirtirtu engemawzat an tel a. Aizawla College ten an hmanpui bawk.
Principal, Govt. T. Romana College Dr. Jennifer Lalbiakdiki’n inlawmna thu sawiin, GTRC chanchin tawi a sawi tel a. Pathian hruaina avanga hetiang programme liantham an buatsaih thei chu lawmawm a tih thu sawiin, state pawn atanga tel te te chu lawmthu a hrilh a ni.
He hun hi Colonel S.S. Kalia, C.O. of 1st Mizo BN, NCC pawhin a hmanpui a. NE hnam hrang hrang ten hetiang hun an hmang thei chu thil mawi ber zing ami a nih thu a sawi.
MYC Chairman Malsawmzuala chuan kalkha- wmte chibai bukin, mihri- ngte hi intluktlang vek kan ni a, hmasawn lam pen zel tur kan ni, tiin zirlai kal- khawmte a fuih bawk a ni.