Lunglei leh Siaha-ah zeng hri danna pek beihpui sawiho

Lunglei Di- strict Task Force on Immunization chu nim- in khan thukhawmin, Intensified Pulse Polio Immunization (IPPI) chungchang an sawihova. Thutkhawm kaihhruaitu Lunglei Baw- rhsap Ramdinliani’n National Immunization pualin Lunglei district chhunga naupang kum 5 chin hnenah zenghri venna vaccine pek beihpui thlak turin Sr.CMO office in ruahhmanna felfai tak an siam thu sawiin, he mi kawngah hian sawrkar, khawtlang leh tlawmngai pawl hruaitute thawhho a pawimawi thu a sawi.

Bawrhsap chuan Lunglei district atanga zenghri umbo a nih theih nan tihtak zeta thawhho a tul thu a sawi a bawk.

He thutkhawmah hian SMO (WHO) Dr. Lalhlimpuii’n Lunglei District-a IPPI lo kalpui tawh dan leh hmachhawp te, tuna NID a IPPI kalpui dan tur te sawifiahin report a pe bawk a. March ni 5 National immunization day-ah Lunglei District hmun hrang hranga SDH/CHC/PHC leh MC awmna khua/veng 16-ah Vaccine Booth 235 hawn a ni dawn a. Vaccine booth kaltlang hian Lunglei district chhunga naupang kum 5 chin hnuailam mi 14917 hnenah zenghri danna vaccine pek tura ruahman a ni.

Nimin vek khan Siaha District Task Force on Immunization for National Immunization Day (NID) pawh Siaha Addl. DC Lalnunmawii hovin an thukawm a.

Addl. DC chuan vaccine tha taka lak a nih chuan natna tam tak lakah kan him thin, a ti a. Vaccine lak hlau tlat awm thin chu thil an hriatchian tawk loh vang a nih thu a sawi.

Vaccine tha taka lak a nih avangin Zenghri pawh India ram atangin umbo a ni tawh tih sawiin, hmalam hunah Zenghri natna hi a bo zel theih nan naupang kum 5 hnuailam tan tha taka vaccine lak chhunzawm zel a tul thu a sawi a. Siaha mipuite Vaccine lak ngaipawimawh turin a chah a, a bikin khawtlang hruaitute pawhin zau thei ang bera mipuite hnena vaccine lak theih hun leh pawimawhna lo puangzar turin a ngen.

Lalnunmawii chuan ‘tihdam aiin inven a tha zawk’ tiin, Zenghri vei hma a lo inven chu thil tul tak a nih thu a sawi a. Natna vei tawh hnua inenkawl leh vak ai chuan tha taka lo inven chu a finthlak ber thu sawiin, “a hun takah la zel thin ang u” a ti.

Zenghri natna chu umbo tawh ni mahse, inthlahdahna avanga kai/vei thar an awm theih reng thu sawiin, tha thlah theih a nih loh thu a sawi a. Health department lam mawhphurhna chauh ni lovin, sawrkar department zawng zawng bakah khawtlang mipuite tanrual a tul thu sawiin, ‘theihtawp i chhuah tlang ang u’ tiin kalkhawmte leh Siaha mipuite a sawm a ni.

Sr. CMO Dr. Lalnunziri pawhin India ram atangin Zenghri umbo ni tawh mahse, then awm ramah vaccine lak that loh avangin Zenghri natna a hluar hle niin a sawi a. Mizoramah ngei pawh he natna hian bu a khuar leh thei tih sawiin, Zenghri kailo tura vaccine lak uar a pawimawh thu a sawi.

Siaha District bik chu ‘Polio surveillance’ ah India ramah pakh- atna a ni mek tih sawi- in, hei hi thawhrimna rah a nih thu a sawi a. Inthlahdah theih erawh a ni lo tiin, hmalam pana kalzel a tul thu a sawi. “Nikum khan Siaha atangin Zenghri natna vei rinhlelh mi pali lai an awm a, hei hian tanlak thar zel a tul zia a tilang chiang hle” a ti bawk.

Dr. Zochhuanawmi, DIO in Siaha District-a National Immunization Day kalpui dan tur tlangpui a sawi a. Kum 1995 atang khan ‘Intensified Polio Pulse Immunization (IPPI)’ chu India ramah kalpui tan a ni, a ti a. Kumin ‘National Immunization Day’ chu March ni-5 ah hman a ni dawn tih sawiin, naupang kum 5 chin mi 7270 hnenah Zenghri danna pek tum a nih thu a sawi.

Hemi atan hian Po- lio Vaccination Booth- 91, leh Transit Booth – 2, ruahman niin, ral tlante tan hian Booth- 4 siam a ni bawk a ti. Zenghri danna vaccine pechhuak tur hian Anganwadi leh ASHA- a thawkte beisei leh an ni dawna, Vaccination booth- a lokalte vaccine an pek bakah ‘Home Visit’ pawh an nei nghal ang a ti. Naupang ‘vaccine’ la te chu an kut veilamah chhin- chiah an ni ang a, hetiang chhinchhiahna nei lo naupang hmu an awm pawha inhriattir zel turin a sawm bawk.

Leave a Reply

error: Content is protected !!