- Ruata
Toyota chuan crossover thar Urban Cruiser Taisor an tlangzarh thar a. Hei hi Maruti Suzuki nena an thawhhona hnuaia duan niin Maruti Suzuki Fronx rebadge a ni.
- Rebadge?
Rebadge tih hian lithei inang chiah, a company hming thlak tawp tihna a ni ber. Hei em em erawh a ni vek lo a, kawng thenkhat inanlohna a nei zeuh zeuh tho a ni. Hetiang rebadge lirthei hi he company pahnih thawhhona hnuaiah hian kan lo hmu fo tawh a. Maruti Suzuki Baleno chu Toyota Glanza in a chhuak a, Maruti Brezza chu Toyota Urban Cruiser tiin a chhuak a, Maruti Grand Vitara chu Toyota Urban Cruiser Hyryder tiin a chhuak bawk a, Toyota Innova Hycross pawh Maruti Invicto tih tein a chhuak bawk a, an thawhhona hnuaiah hian a la awm chhoh zel pawh a beiseiawm a ni.
- A man
Toyota chuan Urban Cruiser Taisor crossover hi Rs Nuai 7.74-13.04 (ex-showroom) inkar manah an tlangzarh a. Petrol leh CNG hmangin an tichhuak a. Maruti Glanza nena khaikhinin a tam zawkah inang mahse danglam hrang hrang a awm a, a mawiin Toyota badge nen pawh a inhmeh leh viau tho a ni.
- A pian phung
Tarlan tawh angin rebadged a nih avangin Maruti Fronx nena a inanna hi zaa 90 vel a ni a. Front grille design hran honeycomb layout kan hmuh bakah front bumper design tihdanglam hret a ni a. LED DRLs pawh design thar a ni. A side profile lam chu a inang tlangpui a. Hetihrual hian 16-inch diamond-cut alloy wheel design thar a nei a. A hnunglamah chuan tail-lamp cluster thar, light bar awm tel kan hmu a. Taisor crossover hi rawng chi 5 – Cafe White, Enticing Silver, Sportin Red, Lucent Orange, leh Gaming Grey te a awm a ni.
- A chhunglam
A cabin rawng hi dual-tone black & brown niin a mawi khawp mai a. Ken tel hrang hrang – heads up display, smartwatch connectivity, auto climate control, wireless charger, 360-degree camera, 9-inch touchscreen infotainment screen with wireless Android Auto & Apple CarPlaybakah himna hmanrua lamah airbag 6, hill-hold assist, ISOFIX child seat anchorages, ABS with EBD, leh electronic stability program (ESP) te a nei a ni.
- A khawl
Taisor hi Fronx nen a khawl a inang chiah a. Naturally-aspirated 1.2L 4-cylinder petrol khawl, 89 bhp power leh 113 Nm torque pechhuak thei hmangin transmission lamah 5-speed manual leh AMT gearbox te duhthlan tur a awm a. 1.0L 3-cylinder turbocharged petrol engine, transmission lamah 5-speed manual, 5-speed AMT, leh 6-speed torque converter automatic transmission duhthlan tur awm a hmang bawk a ni. CNG hmang hi 1.2L naturally-aspirated petrol khawl nghahchhan a ni bawk a ni.