Dan lo a ramdang kuhva phurte check turin Hachhek biala Kuhva chingtute chu an duty leh ṭan dawn a. Nimin, June ni 5, 2024 khan duty hawnna inkhawm tawi Zamuang ah an nei. Kuhva tawlh ṭhinte pawh lokal lo turin an ngen nawn bawk.
Duty hawnna inkhawmah hian HBKCP Chairman, Kanan Lalhlimawma chuan thusawiin, Sorkar kan do lo a, sorkar hmalaknaah lawmthu kan sawi a. Kan eizawnna ber Kuhva hralh kawnga harsatna min siamtu Ramdang aṭanga dan lo a kuhva tawlh dang turin theihtawp kan chhuah dawn a ni, a ti.
HBKCP Gen.Secy, Lalvenhima Ralte chuan report pein, tun ṭum duty hi khaw hrang hrang a inchhawka duty tur a ni a, kuhva chingtuten tlawmngaih chhuah a, mahni insengso a, chaw fun nena thawh chhuah mai a ngaih dawn thu a sawi bawk.