Fam ta John Lenon-a fapa Sean Ono Lennon chuan Prince Harry chanchin ziahna lehkhabu, ‘Spare’ a chhiar hnu-ah Harry chu ‘Mimawl’ a ti.
Nikum 2023 a tihchuah lehkhabu ngaihvenhlawh takah hian a ruh langa inpuanna leh thuruk hailanna thahnem tak a awm. Chun’g zingah chuan a vur hmehkhawng a sazu chu a nu lipstick hmangin a tifai, tihte a awm a, hei taka hi Sean-a’n thil tul leh atthlak tawpkhawka a ngaihte zingami chu a ni ta a ni.
Mi thenkhatin a seilen dan hrehawm leh harsa tak a nih vanga Harry thlavang an hauh laiin, Sean erawh chuan mi tam takin an lo nuihsawh a nih pawhin Harry hian a phu ve rengah a ngai hmiah.
“Inanna mual mual kan neih nia sawi anih hnu-ah Harry nen hian kan intawng tawh a, kan lo inang ve te pawh a ni ang. Vawikhat kan inhmu. Mi mawl taka ka hriat hma kha a ni nghe nghe,” a ti.