Board chairman-te lawmman

  • MC Lalthianghlima

Ni 6. 6. 2024 (Ningani) a Pu Lalduhoma kaihhruai sorkar-a council of minister ṭhukhawm chuan ZIDCO Ltd. MIFCO Ltd. ZOHANDCO Ltd. MAMCO Ltd. MKVI board chairman-te lawmman (Hononarium) a ti punga. Heng board chairman-te status hononarium and entitlements ennawn rawtna agenda council of minister-in a pawm ang chuan, thla tina an lawmman (Hononarium) ₹. 8000/- (Sangriat) ni ṭhin chu ₹. 40000/- (Singli) in an pun a ni.

Ngun taka ngaihtuaha, rilru lai tak pu chunga chhûtpui chuan, heng chairman parukte thlakhat lawmman ₹. 8000/- ni ṭhin ₹. 40000/- a hlan chhoh hi a âwm hle a ni. Politics-a inbeih nâna kaih luh chi pawh a ni lem lo, mi rilru tluang pangngaite chuan, thîk chu sawi loh âwm an tihpui a ni.

Tunlai hian hmun ṭhenkhatah leh khawi hmunah emawte chuan, he thil hian khel a hlawh viau ni âwm tak a ni a, sorkar liam ta a SEDP board phuah chawp zet mai board 14-te nena khaikhin phei chuan, tuna board chairman-te lawmman tih pun hi mipui lam pawh hian âwm an tihpui niin a lang.

Sorkar liam taa SEDP board 14-te enkawlna tura sorkar-in kum 2022-2023 atâna pawisa a hman ral ringawt kha, cheng nuaih 303.93 a ni. SEDP board pakhat zêl khan LDC pahnih leh IV grade pahnih ṭheuh a keng tel bawk. LDC-te khan thlakhatah ₹. 16920 ve ve leh IV grade-te’n ₹. 11990 ve ve an hlawh.

Tin, SEDP Board tinte hnenah khan lirthei hire-na man atân thla khatah ₹. 70000 leh office expenses atân kum khatah ₹. 500000 pêk an ni bawk.

SEDP Board 14-ah khan MLA ni mêkin an enkawl board 10-te enkawl nân kum 2022-2023 chhûg ringawt ah khan ₹. 2,03,38,400 hman a ni bawk. Tichuan, MLA ni lote SEDP board 4-te tân ₹. 1,00,55,360 pêk an ni. SEDP board 14-te inenkawl nân hian kum 2022-2023 chhûng ringawt khan MNF sorkar khan ₹. 3,03,93,760 a pe a nih kha.

Khatiang zawng zawng han chhût phei chuan, a bik takin MNF unaute tân chuan, tuna Mizoram sorkar-in ZIDCO Ltd. MIFCO Ltd. ZOHANDCO Ltd. MAMCO Ltd. MKVI board Chairman-te lawmman (Honobarium) ennawn saka, an thlakhat lawmman a ti pung hi han sawisêl viau chi niin a langlo.

Kum 2022 July ni 25 thleng khan MNF sorkar khan, mau/raw ṭiak cheng nuaih 450.14 man a lei hem maia.

*A ṭum khatnaah ṭiak 84000 supply niin, ₹. 67,20,000 man a ni.

*A ṭum hnihnaah ₹. 86,03,000 man l, ṭiak 1,22,900 supply a ni.

*A ṭum thumnaah ṭiak 3,87,000 supply a ni leh a, ₹.2,96,91,750 man a ni.

Khang, mau/raw ṭiak zozaite kha, tunah eng tak ang mawle.

SEDP board 14-te tâna pawisa luangral zozaite leh mau/raw ṭiak leinaa pawisa luang ral zawng zawngte ngaihtuahin, tuna ZIDCO, MIFCO, ZOHANDCO, MAMCO, MKVI board Chairman-te lawmman ₹.8000 aṭanga ₹.40000 a tih sân hi thil mak a ni lova, an hnathawh nên pawh a inhmehin, an phû hle bawk a ni.

Chuvangin, he thu (Board Chairman-te thlakhat lawmman tih pun) hi sawi pûn viau leh han sawisêla khel viau tur a ni lem love.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427