Nimin khan Cod Nerc NGO hmalaknain Cyclone Remal vanga chhiattawk, Hlimen, Melthum leh Tlangnuam Vengthar huamchhunga chhungkaw 200 te tanpuina atan buhfai, tel, dal, chini, aieng, masala leh hmarcha dip te semchhuah a ni a. Heng food items semchhuahna senso hi Amazon leh DonateKart te’n an tum a ni.
Nimina tanpuina thil semchhuahte hi a vaiin,
- Buhfai – Quintal 24
- Dal – Quintal 2
- Tel pack – Litre 200
- Chini – Quintal 2
- Hmarcha dip – Pack 200
- Masala – Pack 200 leh
- Aieng – Pack 200 a ni.
Cyclone Remal tuartu nimina tanpuina dawngte hi Hlimen atangin chhungkaw 107, Melthum atangin chhungkaw 37 leh Tlangnuam Vengthar atangin chhungkaw 56 an ni a. Tanpuina thil dawngtute hi an vaiin chhungkaw 200 an ni.
He tanpuina semchhuak tur hian Cod Nerc NGO Team member pariat thawkchhuakin, khawtlang hruaitute leh beneficiaries te’n YMA Hall-ah an lo dawngsawng a. Thawhhona tha tak hnuaiah tanpuina te hi semchhuah a ni.