Anna Kapoor-a siam, ‘Hamare Baarah’ film chuan buaina zakhua a tawkchho tluang zel a, nimina tlangzarh tum film hi Supreme Court-in stay oder chhuahin, a hreng khawtlai.
Justice Vikram Nath leh Justice Sandeep Mehta te chuan Bombay High Court-in film tichhuak tura green signal a lo pek tawh leh tlangzarh thei dinhmuna ding anga thutlukna a lo siam tawh chu ngaihtuahnawn tura ngenna lut nghal chu ngaipawimhin, ‘stay’ order an tichhuak ta a ni.
He film-ah hian Islamic sakhua leh rinna tihbawrban tumna leh mawi lo tak chhuah tumna bakah pasal nei tawh Muslim hmeichhia te deusawhna leh dirimana a awm nia sawi leh puh chu Supreme Court hian a ngaithutak hle.