West Ham chuan England right-back Kieran Trippier lak tumin an ngaihven. Kum 33 mi hian Newcastle United-a a hma lam hun tur a la tichiang lo. (Telegraph – subscription required)
Manchester United chuan Burnley leh Norway midfielder Sander Berge lak an tum a. Kum 26 mi hi chawlhkar khatah £100,000 hlawh theihna tur contract zawrh a ni. (Sun)
Chelsea chu Atletico Madrid nen Spanish forward Samu Omorodion man leh mualah £35m in inremna an nei thei ta a, kum 20 mi hian Chelsea zawm fel turin medical test a hmachhawn thuai dawn. (Fabrizio Romano)
Liverpool in Spain midfielder Martin Zubimendi lei an dilna chu Real Sociedad in an pawm ngei tura beisei a ni. Liverpool hian kum 25 mi Zubimendi hi mimal inremna chu an neihpui fel thei tawh. (Athletic – subscription required)
Chelsea leh Albania striker Armando Broja chu manager Enzo Maresca nen a hma lam hun tur chungchangah an indawr chhunzawm zel. Kum 25 mi Broja ngaihven zingah Everton leh Wolves te pawh an tel. (Mail)
West Ham chuan Chelsea defender Trevoh Chalobah an ngaihven a. Borussia Dortmund a contract hmang zo centre-back Mats Hummels pawh an ngaihven tel bawk. (Sky Sports)
Crystal Palace pawhin Chelsea defender Chalobah hi an thlithlai tel ve bawk a. Centre-back lak an duh zingah Wolfsburg defender Maxence Lacroix a tel ve bawk. (Telegraph – subscription required)
Ranagers chuan loan a kum 19 mi midfielder Leo Castledine hawh tumin Chelsea an dawr a. midfielder Leo Castledine hi Aberdeen in an ngaihven bawk. (FootballScotland)
Liverpool chuan Germany leh Hoffenheim forward Maximilian Beier an ngaihven zui zel a, kum 21 mi hian Borussia Dortmund zawm a duh a, Bundesliga club nen hian an indawr mek. (Sky Germany)
Southampton chuan Hoffenheim hnen atangin kum 22 mi defender Armel Bella-Kotchap lei dilna an dawng a. Saints hian Stuttgart in £8.6m senga Bella-Kotchap lei an dilna an lo hnar tawh. (Sky Germany)
Brentford chuan Napoli atangin Sweden midfielder Jens Cajuste chu loan in an hawh fel thei tep tawh. (Sky Sports)
Fiorentina chuan Spain leh Manchester United goalkeeper hlui David de Gea an dawr. (Football Italia)
Spanish midfielder Javi Guerra-a’n Atletico Madrid pan a tum tak zawk vangin Valencia chu Javi Guerra lak an tumna atangin inhnuhdawh thuai an tum. (Athletic – subscription required)
Leicester City chuan Ajax atanga Netherlands forward Steven Bergwijn lak theih tur chi a ni em tih an thlithlai. (Fabrizio Romano)