Hripui len atanga film lama vanneih Ni hmu ngai meuh lo Akshay Kumar film thar, ‘Khel Khel Mein’ chu box office lamah che tha vuk si lovin, a chho ve beuh beuh a ni ber.
Akshay hi hripui len hnu khan ‘OMG 2’ leh ‘Sooryavanshi’ film-ah mipui a kokhawm a ni deuh mai a, a bak dang zawng erawh an ‘flop’ fai deuh vek, a tih theih.
‘Khel Khel Mein’ film hian karhnih chhungin Rs vaibelchhe 26.1 a lalut hram a, tunkar tawp hian Rs vaibelchhe 30 a hmuh theih beisei a ni.
Vanneihthlak takin, sawi hat hat tling mek Kangana Ranaut film thar, ‘Emergency’ chu tun kartawp hian buaina neuh neuh vanga tlangzarh theih a nih rih dawn loh vangin Akshay tan remchanna a inhawn rin a ni bawk.