England midfielder Angel Gomes chu Premier League leh European club ten an ngaihven hlawm hle a. Lille chu Manchester United academy chhuak Gomes dilna dawngsawng turin an inhmakhua. (Telegraph – subscription required)
Newcastle United in January thlaah Crystal Palace atanga England centre-back Marc Guehi lei an tum nawn leh a nih pawhin Liverpool leh Manchester United ten an chuhpui tawh ngei dawn. (Football Insider)
Manchester City chuan hliam vanga chawl mek Rodri hmunruak lo luah lailawktu atan Torino leh Italy midfielder Samuele Ricci lak tumin hma an la. (Guardian)
Liverpool chuan 2025 a nipui bazar inhawn hunah an tlarhma thuamchak ngei an tum dawn a, Borussia Dortmund leh Germany winger Karim Adeyemi lak luh an tum dawn. (Teamtalk)
England winger Anthony Gordon chuan Newcastle-ah kum ruk daih contract thar a ziak fel dawn hnai a. Lak tuma ngaihventu Liverpool tan a beidawnthlak tan hle. (Mirror)
Liverpool chuan Germany Under 21 tana khel thin Freiburg midfielder Merlin Rohl lak tumin an ngaihven. (Bild)
Inter Milan nena sawi zawm Takehiro Tomiyasu chu January thlaah chhuak tur anga sawi ni bawk mah se Arsenal chuan Japan defender hi hralh tumna an nei lo. (Football Insider)
Barcelona chuan Manchester United in lak an tum Frenkie de Jong chu nipui bazar inhawn leh hunah a chhuak duh a nih pawht chuan a hlawh an hrensak 18m euros (£15m) vel zet chu pek tlak nghal an huam. (FootballTransfers)
Manchester United leh Manchester City te chuan Bayer Leverkusen keh Netherlands utility player Jeremie Frimpong lak tumin an inchuh. (Football Insider)
Wolves chu Burnley leh Italy under-21 winger Luca Koleosho lak an duh tak zet a nih chuan £40m an sen ngei a ngai dawn tih hrilh an ni a. Kum 20 mi hi Nottingham Forest leh Newcastle te pawhin an hmutai ve viau bawk. (Football Insider)
Manchester United chuan Premier League hnen atangin kum 16 mi Danish forward Chido Obi-Martin chu Arsenal atanga lak phalna an nei fel thei ta. (Manchester Evening News)
Arsenal leh Italy midfielder Jorginho chuan kum 2025-a contract a neih mek a hman zawh hunah coaching role luh chilh zui nghal a tum. (FootballTransfers)
Chelsea leh West Ham te chuan Aston Villa leh Colombia striker Jhon Duran an thlithlai chhunzawm zel. (Give Me Sport)
Nottingham Forest chuan Murillo dawrtu an awm a nih pawhin hralh an hreh viau a. Kum 22 mi Brazilian centre-back hi Barcelona leh Real Madrid te nen sawi zawm an ni. (Football Insider)
Bayern Munich ah kum 2026 thleng contract la nei Germany winger Jamal Musiala chuan engkim a thleng thei a nih thu a sawi a. EPL khelh ve ngei a chak thu a sawi chungin Bayern-ah a la hlim viau thu a sawi tel bawk. (Guardian)
Villarreal leh Spain winger Alex Baena chu Aston Villa leh Newcastle United scout ten an ngaihven hle. (Caught Offside)
An manager Russell Martin an ban a nih chuan Southampton chuan Chelsea leh Brighton boss hlui Graham Potter rawih an tum dawn. (Football Insider)
Newcastle United January thlaah England striker Callum Wilson hmunruak luahtu tur an hmu zo lo a nih chuan kum 32 mio hi nipui bazar inhawn hunah free transfer in chhuahtir an phal dawn. (Give Me Sport)
Turkey forward Yusuf Yazici chuan French club Lille a chhuahsan hnuin Greek club Olympiakos chu kum thum cham turin a zawm. (Fabrizio Romano)