Novak Djokovic chuan Grand Slam-a inkhel hnem ber nihna a chang ta a, Australian Open 3rd round-ah inlanin Roger Federer a khum.
Kum 37 mi hian Grand Slam maltanah vawi 430 a khel ta a, qualifier Jaime Faria chu 6-1 6-7 (4-7) 6-3 6-2-in a hneh bawk.
He hnehna nen hian Djokovic hian Grand Slam maltanah hmeichhia leh mipaah khel hnem ber a ni ta a, a elpui thin, kum 2021 Wimbledon hnua khel tawh lo, Federer a lehpel ta a ni.
“He infiamna leh inelna hi ka ngaina a ni,” tiin mellung thar a phun chungchanga an kawmnaah Djokovic hian a sawi.
“Eng hunah pawh ka theih dan sang ber pek ka tum a, kum 20 chuang Grand Slam-ah hian inelna sang ber thlengin ka lo tel ve ta a. Ka chak emaw, ka tlawm emaw, court hi nuam ka ti a, record thar ka siam leh thei hi ka lawm hle a ni,” a ti
Hnehna a chan rual hian Serb hi kum 30 pelh hnua Grand Slam mipa maltana vawi 150 chak thei hmasa ber a ni bawk.
Djokovic-a hian Melbourne-ah hian record dang a la siam thei a, a champion a nih chuan intihsiakna liana a champion vawi 25-na niin Australian Margaret Court-i’n Grand Slam maltan champion ngun ber a nihna a nihrual ang.
Rinkai 7-na hi Grand Slam champion vawi thum lo ni tawh, Andy Murray-a pawhin coaching box atangin a lo tawiawm a, round dawt lehah hian Czech 26th seed Tomas Machac a hmachhawn leh ang.
Norwegian 6th seed Casper Ruud chu mipa lama tla langsar a ni a. 6-2 3-6 6-1 6-4-in kum 19 mi, Czech Jakub Mensik lakah a tlawm.
Brazilian qualifier kum 18 mi, Joao Fonseca chuan Thawhlehni khan 9th seed Andrey Rublev chu a hneh bawk a. World No. 48 Mensik nen hian kum 2006 Wimbledon-a Djokovic leh Murray an chak hnuah Grand Slam-a rawlthar pahnihin top-10 chin ni khata an hneh leh hmasak ber a ni.