United hruaitu ni thar leh Maguire

Manchester United head coach Ruben Amorim an captain atanga an chawlhtir hnu, Harry Maguire-a chu ‘hruaitu a ni leh tawh’ tih a sawi.

Maguire-a hi £ maktaduai 80-a kum 2019-a Leicester atanga United a zawm hnu thla nga lekah khatih laia manager Ole Gunnar Solskjaer chuan captain-ah a hlang kai.

Kum 31 mi hi Solskjaer-a thlaktu, Erik ten Hag chuan July, 2023 khan a captain banhren a hlihsak a, Maguire-a hian Old Trafford a chhuahsan zui mai pawh rin a ni.

West Ham-in an rim a, United pawhin a dilna pawh an pawmsak vek hnuah amah a chhuak duh lo va. Ten Hag-a hnuaiah khan a inhliam nasa hle bawk.

Maguire-a hian nipuiah pawh khan chhuahna remchang a nei a; mahse, awm zuiin October thlaah Ten Hag zawk chu bân a ni zui ta a ni.

Tunah hian Amorim-a rinrawl a ni leh tawh a, Sporting boss hlui hian tlarhnunga mi pathum a hman thinah a hman rim a ni mek a. Arsenal laka FA Cup-ah khan kartawpah inhliamin training mumal lo mah se a khel tha hle.

“Hruaitu a ni leh tawhin ka hria,” tiin Amorim chuan a sawi a. “Team-a player pawimawh tak a ni leh tawhah ka ngai a. Amah a inringtawk leh tawh a, hna ropui tak a thawk a. Kei aiin Harry hian fak a hlawh zawk a. Kan khelh hnuhnung ber hma khan a damlo va; mahse, tha takin a rawn khel thei tho a ni,” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427