Liverpool manager Arne Slot chuan right-back Trent Alexander-Arnold chu Ningani zana Carabao Cup semi-final semifinal thawh hnihnaa Tottenham an hmachhawn turah a inlan thei dawn lo tih a sawi.
Alexander-Arnold hi Inrinni zana Premier League-a Bournemouth an hneh tum khan minute 70-ah lak chhuah a ni a, a malpui a tina niin a lang.
Jurgen Klopp-a kaihhruaina hnuaia League Cup champion lai, Reds hian Spurs hi inkhel thawh khatnaah 1-0-in an lo hneh lo tawh a, Anfield-ah lehthal an tum dawn.
“Alexander-Arnold hian Tottenham kan khelh tur hi a khel ve dawn lo,” tiin Pathiannia FA Cup 4th round-a Plymouth hmachhawn tur, Slot chuan a sawi.
“Pathianniah pawh hian a khel thei dawn em en a la ngai dawn a, naktuk (Spurs khelh tur) bik erawh a khel thei dawn loh,” tiin Thawhlehni khan a sawi.
“A ke na chungin khelmual a chhuahsan a; mahse, training-naah chuan team zingah ni lovin rehab coach nen an inlan thei a, engchen nge enkawl a ngai dawn kan ngaichang zel ang,,” a ti.
Bournemouth laka a aia lut, Conor Bradley chuan January 8-a Tottenham an hmachhawn tum khan bul a lo tan tawh a, tunah pawh amah bawk hi a nih leh rin a ni a. Hetih lai hian defender Joe Gomez chu a chawntha na a dam tawh avangin khel thei a ni bawk ang.
Premier League hmahruaitu, Liverpool hian Champions League rund of 16 an lut tawh a, January khan player an la lut lo.