Monza chuan chawlhkar sarih lek liam taa an bân, Alessandro Nesta chu an manager atan an ruai thar leh.
Italy defender hlui hi Italian club hian an club centre-back chhuanvawr thin, Salvatore Bocchetti hmangin December khan an thlak.
Hellas Verona coach hlui hian Pathianni khan Lazio lakah 5-1 zeta tlawmpuiin Serie A-ah a mawngphahah a awmpui a, him turin point riat lai an la mamawh.
Kum 38 mi, Bocchetti-a hian chawlhkar sarih lek chhunga vawi sarih a khelhpuiah vawi khat chakpuiin vawi ruk a tlawmpui hman a ni.
Nesta hi Monza boss atan July thla khan ruat a ni a, AC Milan defender hlui hian Serie A-a club a enkawl hmasak ber a ni nghe nghe.
Bân a nih hma khan league-ah vawi 17 inlanpuiin vawi khat chiah hnehna a chanpui a; mahse, koh kir leh a ni a, Pathianni hian Lecce a hmachhawnpui tur chu manager thar a nih leh hnua a khelpui hmasak ber tur a ni ang.