Aizawl: Kumin Chapchar Kût chu Zofate inpumkhatna tinghet zualtu a nih ngei a beisei thu leh khawvel hmuha Mizo hnam ziarang leh ropui tak pho chhuahna hun a nih ngei a beisei thu Chief Minister Lalduhoma’n a social media account pakhat, Instagram kaltlangin a sawi.
Chapchar Kût 2025 puala thuchah tawi a sawiah chief minister chuan kumin kût chu Zofa hmun hrang hranga awmte ropui taka hmang turin a sawm a. Chapchar Kût thupui, ‘Hawihhawmna’ chu Mizo hnam ziarang ropui tak, khawtlang nun leh inlaichinnaah bet tlat a ni a, he kût hmang hian he ze ropui tak hi chawi sana a awm theih nan mi zawng zawng tel turin a sawm.
Kumin Chapchar Kût puala programme hi March 3, 2025 atanga kalpui tan tur a ni. March 6 leh 7, 2025 hian a hmanna pui ber. Aizawl Lammualah neih tura duan a ni a. Thupui atan ‘Zo nun ze mawi – Hawihhawmna’ tih a ni.
Chapchar Kût 2025 hman nan hian Mizoram sorkar chuan Rs. vbc 1 budget-ah a dah a ni.