Bollwood actress Kangana Ranaut chuan mipa actor ho hlawhzat ang hlawh thei awmchhun a nih thu a sawi.
“A dik a lawm. Tunhma kha chua hmeichhia te hian kalphung ngai kha an zawh vek a, keimah chiah hi mipa ho chanvo ang chang thei tura thawkchhuak ngam leh an hlawhzat ang hlawh thei ka ni.
“Hmeichhe filmstar (A-list) te hian an film chan tur midangin an chan khalh ang tih hlau reng rengin a ‘free’ te’n zuk chang a maw le! Chutih laia article thenkhata hlawh hnem ber ang ziazangin an la inchhuah ta zel bawk a,’ tiin hlauh nei lo leh huaisen taka sawi thin hian Instagram-ah a tarlang.
Sawi chhunzawmin, “Film industry-ah hian actress zinga actor hlawhzat hlawh thei actress awmchhun ka nih thu hi an hre vek,” a ti bawk.
Kum hmasa lam daih tawh khan Priyanka Chopra chuan BBC hmaah, a chanpui mipa actor te hlawhzat anga a hlawh ngai loh thu leh an inlan hun/zat angkhatah ngei pawh a hlawh a tlem fe zawk thu a lo sawi tawh.