Ruben Amorim chuan Manchester United tla chhe mek tun din a tumna kawngah club thuneitute chuan Arsenal manager Mikel Arteta angin hun an pek hnem ve a beisei loh thu a sawi.
Arteta kaihhruaina hnuaia season an hman hmasak pahnihah Arsenal chu 8-na leh 5-na an ni a. December, 2019 atangin a enkawl tan a, 2023 leh 2024-ah Premier League-ah 2-na an ni a, 2020-ah khan FA Cup an la a, chu bak chu trophy a la lakpui lo.
Manchester United thuneitute pawhin an kal fuh thei lo siam tha thei turin beiseina sang tak nen Amorim an ruai a. Beisei angin thil a kal fuh thei lo hle a, hei vang hian Portiguese manager chuan club thuneitute chu dawhtheihna nei reng turin a beisei ngam lo hle.
“Arteta angin hun ka nei hnem ve kher lo ang tih hi ka rin dan a ni a. Club dang daih a ni a, chu vangin rorel dan pawh a danglam ang tih chu ka ring thiam mai,” a ti.