Gigi Hadid leh Bradley Cooper te chuan an inhmangaihna chhemalh tawn dun zelin, mi tam tak mit an la dun chho mek zel.
An pahnih hian kum 2023 October thla tir lam khan New York City-a West Village-a an thil ei dun lai hmuh an ni a, chuta tang chuan an inngaihzawnna pawh nemnghehin a awm chhunzawm ta zel a ni.
An pahnih hian anmahni kalna line ve veah hmachhawp lian tak tak an neih avangin duh angin an inzui tam tawk thei lo a, inhrethiam tawn taka an la awm dun reng thu erawh report thenkhat chuan an tarlang.
Cooper hian a hmain Russian model Irina Shayk nen lo inkawp tawhin, fanu pakhat Lea De Seine an nei dun hman a. Kum 2015 atanga inngaizawng tan kha, kum hnih an inkawp hnuah an inthen zui leh a ni.
Hetih lai hian Hadid pawh hi Zayn Malik nen lo inkawp tawhin, kum ruk dawn an inzui hnuah October 2021 khan an inthen veleh a ni.
Gigi Hadid leh Bradley Cooper te inkar boruak hi a tha rih hle a, hmasawn zawnga ke pen dun zel an tum nia tarlan an ni bawk.