Aizawl: Aizawl district huam chhungah sawhthing quintal 26.759 lei tur la awm thei tura beisei a ni a; Secondary Collection Centre (SCC) pahnih atangin kg-ah Rs 20-in thawn chhuah tawh an ni.
Ningani khan District Agriculture Marketing Committee (DAMC), Aizawl district buatsaihin Aizawl district chhunga sawhthing SCC puipate tan training buatsaih a ni a. He hun hi Aizawl bawrhsap leh DAMC chairman ni bawk, Er. Lalhriatpuia’n a kaihruai.
Aizawl Bawrhsap Pisapuia training buatsaiha tar lan danin, Aizawl district huam chhunga sawhthing lei nan sorkar atangin Procurement Fund Ist installment-ah Rs nuai 187.50 leh 2nd Installment-ah Rs nuai 187.50, a vaiin Rs nuai 375.00 dawn tawh a ni.
He fund atang hian Rs nuai 138.087 man sawhthing quintal 2761.74 lei tawh niin, balance-ah Rs nuai 236.913 a la awm a. Aizawl district huam chhungah sawhthing quintal 26,759 lei tur la awm thei tura beisei a ni.
Aizawl district chhungah SCC panga awmin, heng zinga SCC pahnih, East phaileng leh Thingsulthliah SCC a sawhthing quintal 341.82 (185.84+155.98) chu Karnataka Spice Trading ten kg-ah Rs 20 in an rawn chhang a, March 25, 2025 khan thawn chhuah vek tawh a ni.