Prime Minister Narendra Modi leh Congress hruaitu, Rahul Gandhi chuan Central Information Commission (CIC)-a hotu lawkte ruat tur chungchangah darkar khat leh a chanve zet an inkawm.
Hruaitu pahnih inkawm hian Chief Information Commissioner, Information Commissioner pariat leh Central Vigilance Commission (CVC)-a Vigilance Commissioner ruat tur an sawi dun a ni.
Gandhi-a hian ruat tura a rawtte a thlen nia hriat a ni a; mahse, Lok Sabha-a Leader of the Opposition ratwna hi pawm a ni em tih erawh hriat a ni rih lo.
Danah prime minister, prime minister-in a thlan chhuah union minister pakhat leh Leader of Opposition hi Information Commission, Election Commission leh Vigilance department-a hotu lute ruat tura thlangtu an ni a. Union Home Minister Amit Shah chu thlan chhuahte ruata pawmpuitu niin ANI news agency chuan a sawi.
Central Information Commission hi kum 2005-a Right to Information Act, 2005 hnuaia din niin commission hian central public authority zawng zawngah pawh thu an nei a ni.
Chief Information Commissioner leh Central Information Commission hnuaia chanvo pawimawh pariatte chu thla thum chuang zet a ruak tawh nia sawi a ni.