Aizawl: Hnahthial District Excise & Narcotics Department-in Heroin No 4 hawng 16 an man.
Hnahthial Excise and Narcotics Department chuan nimin zing dar 5 vel khan Khawhri leh Thingsai inkarah Heroin No. 4 hawng 16 (grams 189) an man a. A phurtu leh neitu ni ngeia hriat, Laihrethanga kum 28 s/o Vawmkaithanga, Siahatla chu manin a phurhna lirthei, Mahindra Bolero Maxx Pickup, MZ 03A 1593 chu man tel bawk a ni.
ND&PS Act hnuaiah thubuai siamsak niin Judicial Magistrate Court hma a in lan turin nimin vek chawhnu vel khan Lunglei lamah thawn nghal a ni.
Excise and Narcotics Department, Hnahthial Officer in Charge C. Lianchungnunga chuan an thu dawn bawhzuiin Thawhtanni zan khan Khawhri VC leh YMA hruaitute nen an duty thu sawiin, tlaivara an duty hnuah zing dar 5 khan an man tak thu a sawi a ni.
Laihrethanga statement atanga a lan danin heroin an man sak tak hi Duha, Ralpel, Myanmar ami ta niin, Hnahthial leh Lunglei lama sem darh tura tih a ni.
Tun tuma heroin an man hi tualchhung hralhna rate chuan Rs. 7,20,000 man hu vel a chhut a ni.