Thawhlehni khan Today with Jenna & Sheinelle show-ah Victoria Beckham chu inlanin, zawhna hrang hrang an zawhte hnehsawh taka chhangin, a pasal David nen an fate chu an dah pawimawh hmasak ber reng thin thu a sawichhuak.
Kum 52 mi fashion designer hian a pasal David Beckham nen chuan kum tak tam chhung inkawp rem taka an lo awm tawh thu leh, an tan an fate chu mi pawimawh ber an nih reng thin thu a sawi.
‘Kan fate hi kan dah pawimawh ber a, kan hmangaihin anmahni venhim leh enkawl kawngah hian theihtawp kan chhuah dun thin,’ a ti.
Tun hnai khan an fa upa ber Brooklyn leh a kawppui chuan vantlang hmaah Beckham chhungkaw chungchang a duhawm lo zawnga sawichhuah an nei nual a, Beckham family erawh chuan ngawih chuhin, tun hi Victoria tawngchhuah hmasa pawl a ni nghe nghe.
Fashion designer chuan a show inlannaah pawh a fate chungchangah engmah mawi lo zawnga sawi lovin, naupang chuan nu leh pate chunga lungawi lohna an neih chu sawi thiang a nih thu lam hawizawngin tawngka a nei duh chauh a, hun khirh tak an hmachhawn lai pawh a a pasal nen an inthlawp tawn that reng thu a sawi bawk a ni.
David leh Victoria Beckham te nupa hian kum 30 chuang an inneih chhungin fa pali – Brookly,27, Romeo,23, Cruz,21 leh fanu Harper,14 te an nei a ni.