Thawhtanni zing dar 8 atangin Aizawl Municipal Corporation (AMC) inthlen neih zawh taka vote tlate chhiar a ni dawn.
April 21, 2026-a AMC inthlana vote tlate chu Thawhtanni zing dar 8 atangin chhiar tan a ni dawn a, vote chhiarna atan hian Aizawl Bawrhsap Pisapui-ah counting hall pali siam a ni a, a vaiin vote chhiarna dawhkan (counting table) 36 ruahman a ni.
Counting Hall No. 1-ah AMC Ward No. 1, Ward No. 2, Ward No. 3, Ward No. 4 leh Ward No. 5-a vote tla chhiar a ni dawn a. Counting Hall No. 1-ah hian EVM-a vote tla chhiarna tur dawhkan pasarih leh AMC inthlana duty sorkar hnathawkten ballot paper hmanga vote an thlak chhiarna tur dawhkan pakhat dah a ni ang.
Counting Hall No. 2-ah AMC Ward No. 6, Ward No. 10, Ward No. 11, Ward No. 12 leh Ward No. 13-a vote tla chhiar a ni dawn a, hetah hian EVM-a vote tla chhiarna tur dawhkan pakua leh AMC inthlana duty sorkar hnathawkten ballot paper hmanga vote an thlak chhiarna tur dawhkan pakhat dah a ni ang.
Counting Hall No. 3-ah AMC Ward No. 7, Ward No. 8, Ward No. 9, Ward No. 16 leh Ward No. 17-a vote tla chhiar a ni dawn a, hetah hian EVM-a vote tla chhiarna tur dawhkan pakua leh AMC inthlana duty sorkar hnathawkten ballot paper hmanga vote an thlak chhiarna tur dawhkan pakhat dah a ni dawn a.
Counting Hall No. 4-ah AMC Ward No. 14, Ward No. 15, Ward No. 18 leh Ward No. 19-a vote tla chhiar a ni dawn a, hetah hian EVM-a vote tla chhiarna tur dawhkan pasarih leh AMC inthlana duty sorkar hnathawkten ballot paper hmanga vote an thlak chhiarna tur dawhkan pakhat dah a ni dawn a ni.
AMC inthlanna vote thlakna khawl, EVM dahna, strong room chu vawiin zing dar 7-ah hawn a ni ang a, EVM leh ballot paper hmanga vote tla chu a ruala chhiar nghal a ni dawn a ni.